Да +32°С чакаецца ў Беларусі ў панядзелак
- 3.07.2022, 15:39
Месцамі пройдуць кароткачасовыя дажджы.
Кароткачасовыя дажджы і спякота да плюс 32 градусаў чакаюцца ў Беларусі 4 ліпеня, паведамілі ў Рэспубліканскім цэнтры гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У найбліжэйшыя дні ў краіне будзе воблачна з праясненнямі. Месцамі пройдуць кароткачасовыя дажджы, навальніцы. Уначы і раніцай у асобных раёнах слабы туман. Вецер чакаецца няўстойлівы слабы да ўмеранага, пры навальніцах парывісты.
Тэмпература паветра ўначы будзе 13-19 градусаў вышэй за нуль, удзень паветра прагрэецца да плюс 23-29, па ўсходняй палове рэспублікі максімальная тэмпература паветра дасягне плюс 30-32 градусаў. Сіноптыкі папярэдзілі пра аранжавы ўзровень небяспекі.