У Беларусі з'явіўся дэфіцыт цыгарэт папулярных марак

• 3.07.2022, 13:39

Буйныя гандлёвыя сеткі прызналі, што праблема стаіць дастаткова востра.

Перабоі з наяўнасцю ў продажы тых ці іншых цыгарэт, якія ўжо здараліся на беларускім рынку за апошнія год-паўтара, падобна, узніклі зноў.

Як стала вядома рэдакцыі Office Life, у апошні час спажыўцы скардзяцца на адсутнасць некаторых відаў цыгарэт Rothmans і іншых марак, якія вырабляюцца кампаніяй British American Tobacco (BАТ). У некалькіх кропках раздробных продажаў, куды звярнулася рэдакцыя, гэтую інфармацыю пацвердзілі і накіравалі за тлумачэннямі да пастаўшчыка.

У распараджэнні рэдакцыі ёсць каментарыі прадстаўнікоў дзвюх буйных гандлёвых сетак. У іх прызналі дэфіцыт цыгарэт папулярных марак вытворчасці BАТ і адзначылі, што праблема стаіць дастаткова востра і спажывецкі попыт зараз задавальняецца не поўнасцю.

«Сапраўды, зараз у нас ёсць некаторыя праблемы з насычэннем спажывецкага рынку пэўнымі найменнямі цыгарэт, маркіраванымі таварнымі знакамі BAT, — пракаментавалі сітуацыю ў кампаніі «БАТ Беларусь». - Але неабходна адзначыць, што ў дачыненні да гэтага пытання не ўсё залежыць выключна ад дзеянняў і намаганняў, якія прымаюцца нашай кампаніяй».

Як растлумачылі Office Life у «БАТ Беларусь», прычынай сталі некаторыя адміністрацыйныя цяжкасці ў частцы насычэння рынку імпартным прадуктам.

У кампаніі падкрэслілі, што «належнае задавальненне спажывецкага попыту, а таксама забеспячэнне падатковых паступленняў у рэспубліканскі бюджэт з'яўляюцца безумоўным дабром у існых няпростых умовах вядзення гаспадарчай дзейнасці».