У мабільнага аператара А1 перасталі працаваць электронныя сім-карты

• 1.07.2022, 21:17

Паведамляецца аб "тэхнічных прычынах".

У мабільнага аператара А1 перасталі працаваць электронныя сім-карты (eSIM). Пра тое, што "сэрвіс часова недаступны з тэхнічных прычын", кампанія паведаміла на сваім сайце, але не патлумачыла, што цяпер рабіць карыстальнікам, піша zerkalo.io.

ESIM – убудаваная ў смартфон сім-карта, фактычна, лічбавы код, які не патрабуе выкарыстання фізічнай сімкі і змяшчае ўсе неабходныя звесткі для падлучэння да сеткі.

А1 апісвае свой прадукт як "SIM-карту новага пакалення, лічбавую і экалагічную альтэрнатыву класічнай SIM-карце", але тут жа паведамляе, што "паслуга часова недаступная з тэхнічных прычын".

Пры гэтым кампанія не тлумачыць, як у гэтай сітуацыі дзейнічаць карыстальнікам, да прыкладу, чые банкаўскія профілі прывязаны да мабільных нумароў - асабліва калі яны знаходзяцца за мяжой.

Раней аператар паведамляў аб падвышэнні з 1 ліпеня кошту некаторых паслуг, у тым ліку званкі і тэлевізіі, і закрыццё многіх тарыфаў.