Зяленскі: Расея ўжо выпусціла па Украіне блізу трох тысяч ракет

• 1.07.2022, 21:11

Расейскія ракетныя ўдары падкрэсліваюць важнасць выдачы Украіне вайсковай падтрымкі краінамі Захаду.

Прэзідэнт Украіны Уладзімір Зяленскі заяўляе, што Расея ўжо выпусціла супраць Украіны блізу 3 тысяч ракет. Як перадае «Уніян», пра гэта прэзідэнт Украіны Уладзімір Зяленскі паведаміў на супольнай з прэм'ер-міністрам Нарвэгіі Ёнасам Гар Стэры прэс-канферэнцыі ў Кіеве.

"Увогуле, вы ведаеце, за чатыры месяцы поўнамаштабнай вайны Расеі супраць мірнай Украіны, Расея ўжо прымяніла блізу 3 тысяч ракет. Такая жорсткасць расейскіх дзеянняў толькі падкрэслівае, наколькі правільнымі з'яўляюцца пастановы нашых партнёраў аб наданні Украіне падтрымкі. Перш за ўсё, гэта абарончая падтрымка". Ніводная дзяржава ў свеце не павінна заставацца сам-насам, калі ёсць такое зло, калі яно існуе", - заявіў Зяленскі.

Таксама кіраўнік дзяржавы нагадаў, што сёння, 1 ліпеня, расейскае войска нанесла чарговы жорсткі ракетны ўдар па звычайным жылым доме ў Адэскай вобласці ў пасёлку Сяргееўка.

"Такія ракеце Х-22 стваралі для знішчэння авіяносцаў і іншых буйных вайсковых караблёў, а расейскае войска прымяніла яго супраць звычайнага дома са звычайнымі людзьмі", - падкрэсліў кіраўнік дзяржавы.

Ён дадаў, што вядома аб гібелі 19 чалавек і сярод іх 2 дзіцяці, яшчэ больш за 30 чалавек паранены.

«Гэта не адзіночны ўдар, і гэта не выпадковасць, як штодня гаворыць у мас-медыя Расейская Федэрацыя. А гэта мэтанакіраваны ракетны ўдар Расеі - тэрор Расеі, будзем шчырыя, супраць нашых гарадоў і пасёлкаў, нашых людзей, дарослых і дзяцей», - заявіў прэзідэнт.

На працягу апошніх некалькіх дзён Расея значна ўзмацніла ракетныя ўдары па тэрыторыі Украіны.