Трудо абяцае ўзброіць Украіну сучаснай вайсковай тэхнікай
- 30.06.2022, 21:47
Пра што ідзе гаворка.
Канада працуе над заканчэннем пагаднення аб выдачы Украіне 39 браняваных машын баявой падтрымкі. Яны прызначаны для канадскага войска і былі ў працэсе дастаўкі, але замест гэтага патрапяць на ўкраінскі фронт.
Пра гэта на саміце лідараў NATO ў Мадрыдзе заявіў прэм'ер-міністр Канады Джасцін Трудо, паведамляе CBC.
Ён адзначыў, што лёгкая бранzваная тэхніка, якую збіраецца перадаць Канада, будзе надзвычай эфектыўнай.
"Цяпер лепш за ўсё выкарыстоўваць такія рэчы, як гаўбіцы, снайперскія вінтоўкі і іншае абсталяванне, якое мы пасылаем ва Украіну", – сказаў Трудо.
Акрамя таго, украінцы атрымаюць дадатковыя шэсць камер з высокай разрознасцю для выкарыстання на беспілотніках Bayraktar.
Пагадненне аб пастаўках браняваных машын падтрымкі, якія прызначаныя выключна для транспартавання войскаў, будзе суправаджацца пакетам падтрымкі і выдаваццца вытворцам General Dynamics Land Systems-Canada, якая базуецца ў Лондане, Антарыё. Яны адрозніваюцца ад баявых машын пяхоты, якія абсталяваныя вежай і 25-міліметровай гарматай.
Канадскае войска замовіла 360 браняваных машын падтрымкі, і высокапастаўлены чыноўнік, выступаючы перад абвяшчэннем, сказаў, што ёсць абавязацельства замяніць тое, што было канфіскавана са складу войска.
Чакаецца, што аўтамабілі паступяць на ўзбраенне ўкраінскіх войскаў гэтым летам пасля невялікай падрыхтоўкі.