Бэн Ходжэс: Расею можна адкінуць за лінію 23 лютага да канца года

• 29.06.2022, 17:36

Былы камандуючы войскам ЗША ў Еўропе назваў умову.

Украінскае войска адкіне расейцаў да канца года за лінію 23 лютага, калі Захад кансалідавана будзе пастаўляць УСУ ўзбраенне ў неабходнай колькасці.

Пра гэта ў эфіры "Голос Америки" заявіў былы камандуючы войскам ЗША ў Еўропе генерал-лейтэнант Бэн Ходжэс.

«У наступныя некалькі тыдняў мы пачнём адчуваць розніцу ад дальнабойнай артылерыі і ракет, і ўплыў, які яны маюць на расейскія войскі. Але да таго гэта будзе пекла для ўкраінскіх жаўнераў і мірных жыхароў, па якіх наносіць удары расейская артылерыя», - сказаў Ходжэс.

Ён пагадзіўся з тэзісам аб затрымцы з пастаўкай цяжкага ўзбраення Злучанымі Штатамі, бо «некаторыя пастановы былі адобраныя пазней, чым павінны былі б быць».

Існавала турбота, што мы нейкім чынам можам справакаваць расейцаў, калі мы дамо нейкія магутнасці. І мы нарэшце іх давалі, і расейцы ніяк не рэагавалі. Мы самі стрымлівалі сябе больш, чым трэба. Вось чаму мы цяпер адстаём у перадачы некаторых магутнасцяў. Але пазітыў у тым, што працэс пайшоў», - сказаў экс-камандуючы.