Магутныя залевы абрынуліся на Віцебск

• 29.06.2022, 15:31

Горад «сышоў пад ваду».

Пасля некалькіх дзён анамальнай спёкі ў Магілёве і Віцебску прайшлі залевы, у выніку якіх некаторыя вуліцы часова затапіла, паведамляе «Белсат».

У Віцебску лівень прайшоў уранку, цяпер там суха, а вось на Магілёў дождж абрынуўся блізу 12 гадзін.

Праз моцны дождж у Магілёве спыніўся рух тралейбусаў і аўтобусаў.

Рух спынены ля Задняпроўя, а таксама вуліц Першамайскай, Крупскай, 30 гадоў Перамогі і ў ля «Тэхнапрыбора». Акрамя гэтага, спынены рух аўтобусаў і тралейбусаў ля чыгуначнага вакзала і вуліцы Крупскай.

Таксама лівень пашкодзіў дрэвы і білборды.

Лівень у Магілёве 29 чэрвеня 2022 года. Фота: mogilevonline/Telegram

Відэа ранішняга ліўня ў Віцебску:

Таксама ўчора ўвечары ў Віцебску прайшоў моцны град.

Спампоўвайце і ўсталёўвайце мэсэнджар Telegram на свой смартфон ці кампутар, падпісвайцеся (кнопка Далучыцца) на канал Хартыя-97.