У Польшчы ў школьную праграму дадалі відэагульню

• 29.06.2022, 12:35

Кампутарная гульня вельмі актуальная для сённяшніх рэалій.

У пазакласную школьную праграму Польшчы дадалі сімулятар выжывання This War of Mine.

Міністэрства навукі і вышэйшай адукацыі Польшчы ўключыла відэагульню This War of Mine польскай студыі 11 bit studios у праграму пазакласнага чытання. Гэта адбылося ў рамках ініцыятывы Гульні ў адукацыі.

Польскія ўлады падрыхтавалі план урокаў, 62-старонкавую інфармацыйную брашуру і зборнік Развітанне з Марыяй. Апавяданні пісьменніка Тадэвуша Бароўскага, прысвечаныя дэманстрацыі жыцця ў акупаваным горадзе.

Сярод іншага там ёсць розныя пытанні аб гульні, заданні для вучняў, а таксама меркаваныя высновы, да якіх павінны прыйсці вучні пасля лекцый, прысвечаных гульні.

У This War of Mine гулец павінен кіраваць групай звычайных людзей, якія спрабуюць выжыць у акупаваным горадзе.