Якія аб'екты на «вучэннях» у Гомельскай вобласці ахоўваюць салдаты

• 27.06.2022, 10:22

Сярод іх – мост цераз Днепр пад Жлобінам.

Чытачы «Флагштока» расказалі, у якіх месцах вайскоўцы ўзвялі навучальныя ўмацаванні ў Гомелі.

Абласны ваенкамат

«На вуліцы Садовай карціна алеем: уваход у ваенкамат завалены мяшкамі з пяском, за імі сядзіць салдат. Стаіць некалькі аўтобусаў Гомельаблаўтатранса, здаецца. І стаіць штук дзесяць салдатаў каля ваенкамата».

Аўтамабільны мост праз Сож

«Пад мостам стаяў вялікі МАЗ, які салдат перавозіць, пад'ехаў МАЗ меншы, потым буханка. Салдатаў усяго штук 15–20. З аўтаматамі і аўчаркай. Перад шлагбаумам з'явілася гняздо з мяшкоў з пяском. На самым мосце на раздзяляльнай зоне на спякоце з двух бакоў моста стаяць салдаты ў поўнай экіпіроўцы і ў масках».

На Чыгуначным мосце праз Дняпро пад Жлобінам чыгуначныя вартоўні пераўтвораныя ва ўмацаванні (на фота).