У Ляхавіцкім раёне аўтамабіль ДАІ сутыкнуўся з мікрааўтобусам

• 6.05.2022, 10:21

Міліцэйская машына пераследавала матацыкл.

Падчас пераследу матацыкліста, аўтамабіль ДАІ сутыкнуўся з мікрааўтобусам. Абышлося без пацярпелых, паведамляе прэс-служба МУС.

5 траўня а 20.00 на 13-м кіламетры дарогі Р-4 («Баранавічы — Ляхавічы») сутыкнуліся мікрааўтобус Volkswagen, якім кіраваў 64-гадовы мясцовы жыхар і службовы аўтамабіль ДАІ.

Адзначаецца, што аварыя адбылася ў той момант, калі машына ДАІ з уключанымі пробліскавымі маячкамі пераследавала матацыкл.

Аўтамабілі атрымалі механічныя пашкоджанні. Пацярпелых няма. Праводзіцца праверка.