Адзін з украінскіх дылераў МАЗ наважыў адмовіцца ад прадукцыі беларускага прадпрыемства

• 29.05.2022, 15:40

У заяве кампаніі гаворыцца, што Беларусь стане дэмакратычнай і свабоднай.

Адзін з найбуйнейшых украінскіх дылераў грузавога брэнда МАЗ, кампанія УкрЕўраМАЗ, адмаўляецца ад беларускай прадукцыі, піша партал vesti.ua.

Адзначаецца, што з моманту стварэння ТАА «УкрЕўраМАЗ» прадпрыемства пазіцыянавала сябе як кампанія продажу транспартных сродкаў Менскага аўтамабільнага завода, а таксама тэхнікі на шасі МАЗ ад украінскіх вытворцаў.

«Мы верым, што прадукцыя МАЗ яшчэ вернецца на рынак Украіны, а Беларусь стане свабоднай і дэмакратычнай краінай. А пакуль гэта адбудзецца, мы прыступаем да новага этапу развіцця кампаніі - продажы тэхнікі ад УкрЕвроМАЗ на шасі еўрапейскіх вытворцаў. Так сёння мы атрымалі набытае шасі Renаult D і ўжо думаем, якое абсталяванне на яго ўсталяваць», – пракаментавалі пастанову ў кампаніі.