Прэзідэнт Чэхіі: Спадзяемся, што канфлікт будзе развязаны перамогай Украіны

• 26.05.2022, 18:36

Паводле ягоных слоў, на перамогу Украіны спадзяецца і Швайцарыя.

Прэзідэнт Чэшскай Рэспублікі Мілаш Зэман спадзяецца, што вайна на Украіне закончыцца яе перамогай.

Аб гэтым ён заявіў журналістам пасля сустрэчы ў Празе з прэзідэнтам Швайцарскай Канфедэрацыі Ігнацыё Касісам, паведамляе карэспандэнт «Укринформа».

Чэшскі лідэр адзначыў, што "абедзве стораны (Чэхія і Швайцарыя - рэдакцыя) маюць аднолькавую пазіцыю наконт расейскай агрэсіі супраць Украіны і спадзяюцца, што гэты канфлікт будзе развязаны не гнілым кампрамісам, а перамогай Украіны".

Зэман заявіў, што "шануе" той факт, што, нягледзячы на свой нейтралітэт, Швайцарыя далучылася да санкцый супраць Расеі дзеля яе агрэсіі ва Украіне.

Са слоў Касіса, Швайцарыя ўхваліла антырасейскія санкцыі, уведзеныя Еўрапейскай Уніяй. Паводле ягоных слоў, пазіцыя Швайцарыі ясна сведчыць аб тым, што краіна стаіць на заходніх вартасцях і мае дакладную пазіцыю.