«Мы рыхтуемся»: у Ваўкавыску чакаюць вызваленчага паходу палка Кастуся Каліноўскага

• 26.05.2022, 9:34

Жыхары горада выйшлі на акцыю ў падтрымку беларускіх байцоў.

Жыхары Ваўкавыска выйшлі на акцыю ў падтрымку палка імя Кастуся Каліноўскага, паведамляе тэлеграм-канал «Баста!».

«Мы ведаем, што некалькі хлопцаў з Ваўкавыску абараняюць Украіну ад Расеі ў палку Каліноўскага. Мы ганарымся нашымі землякамі і чакаем іх дадому жывымі і здаровымі», - заяўляюць удзельнікі акцыі.

Удзельнікі акцыі разгарнулі бел-чырвоны-белы і ўкраінскі сцягі і транспарант са шматзначнай фразай «Мы рыхтуемся».