Times: Брытанія з хаўруснікамі рыхтуе прарыў расейскай блакады ў Чорным моры

• 24.05.2022, 9:45

У кааліцыю могуць увайсці некаторыя краіны NАТО і іншыя дзяржавы.

Вялікабрытанія вядзе перамовы з супольнікамі аб адпраўцы вайсковых караблёў у Чорнае мора для абароны грузавых суднаў, якія перавозяць украінскае зерне.

Кааліцыя супольнікаў будзе імкнуцца прарваць расейскую блакаду, даўшы "ахоўны калідор" з Адэсы праз Басфор, піша брытанская Times.

Адзначаецца, што калідор абмяркоўваўся ўчора на сустрэчы міністра замежных справаў Літвы з кіраўніцай МЗС Брытаніі Ліз Трас.

У кааліцыю могуць увайсці некаторыя краіны NАТО і іншыя дзяржавы, якія залежаць ад збожжа. Мяркуецца, што Егіпет, які моцна пацярпеў ад недахопу пшаніцы, можа прыняць удзел у кааліцыі.