Пад Ваўкавыскам правялі акцыю салідарнасці з Мікалаем Аўтуховічам

• 24.05.2022, 9:26

Героі-падпольшчыкі вывесілі транспаранты.

Пад Ваўкавыскам падпольшчыкі вывесілі транспаранты салідарнасці з Мікалаем Аўтуховічам. Фота ў рэдакцыю «Нашай Нівы» даслаў чытач.

Нагадаем, што працэс над Мікалаем Аўтуховічам і, на думку следства, яго паплечнікамі, ідзе зараз у Гародні.

Агулам паводле справы праходзяць 12 чалавек. Гэтых людзей затрымалі яшчэ 1 снежня 2020 года. Улады адразу абвясцілі Аўтуховіча арганізатарам і кіраўніком «тэрарыстычнай групоўкі», якая нібыта падпальвала аўтамабілі і дамы супрацоўнікаў міліцыі.

Цяпер праўладныя СМІ пішуць, што Аўтуховічу можа пагражаць нават смяротнае пакаранне.