Бэльгія стала першай у свеце краінай, дзе ўвялі каранцін праз малпавую воспу

• 23.05.2022, 11:54

Каго гэта датычыцца?

За апошні тыдзень у Бэльгіі было зафіксавана чатыры выпадкі захворвання на малпавую воспу, таму ў краіне ўвялі абавязковы 21-дзённы каранцін, паведамляе Politico, адзначаючы, што тычыцца ён толькі хворых.

Адпаведная пастанова была прынятая 19 траўня бэльгійскімі органамі аховы здароўя.

Выданне адзначае, што калі чалавек кантактаваў з інфіцыраванымі - яму ізаляцыя не патрэбная. Аднак пры такіх кантактах трэба асабліва ўважліва сачыць за ўразлівымі людзьмі.

Воспа малпаў належыць да таго ж сямейства, што і звычайная воспа. Яе сімптомы: грудкаваты сып, ліхаманка, болі ў цягліцах і галаўныя болі. Праўда, такая воспа менш смяротная.