Ва Украіне забаранілі абарачэнне беларускіх лекаў

• 22.05.2022, 17:47

Таксама забароненае абарачэнне расейскіх лекаў.

Вярхоўная Рада ўнесла змены ў Закон Украіны «Аб лекавых сродках па абмежаванні абарачэння лекавых сродкаў, вытворчасць якіх знаходзіцца на тэрыторыі Расейскай Федэрацыі або Рэспублікі Беларусь».

Змяненні ў закон былі прынятыя 22 траўня. Іх галоўная мэта - абмежаваць ва Украіне абарачэнне лекавых сродкаў, вытворчасць якіх хаця б часткова размешчаная на тэрыторыі РФ або РБ, для памяншэння фінансавай падтрымкі вайсковых машын гэтых краін і для стымулявання адмовы ад паставак тавараў з РФ і Беларусі ва ўсім свеце.

З гэтага часу лекаваму прэпарату могуць адмовіць у дзяржаўнай рэгістрацыі, калі будзе ўстаноўлена, што адзін або некалькі этапаў яго вытворчасці адбываўся на тэрыторыі прадпрыемстваў, якія знаходзяцца ў Расеі ці Беларусі. Таксама ў рэгістрацыі могуць адмовіць, калі заяўнік ці ягоны прадстаўнік звязаныя з расейскімі кампаніямі.

Акрамя таго, Кабінет міністраў атрымаў права на перыяд дзеяння ваеннага становішча ва Украіне часова спыняць экспарт лекавых сродкаў цалкам у выпадку незабеспячэння запатрабаванняў сістэмы аховы здароўя Украіны ў такіх лекавых сродках.