У Беларусі хаваюць вайскоўцаў, якія ваявалі супраць Украіны

• 22.05.2022, 16:45

Яны падахвоціліся ўкласці кантракты з расейскімі ПВК.

У некалькіх населеных пунктах Беларусі прайшло пахаванне вайскоўцаў, якія падахвоціліся падпісаць кантракты з расейскімі ПВК. Зрэшты, жалобныя мерапрыемствы па загінулых жаўнерах-кантрактніках прайшлі ў горадзе Мар'інай горцы Менскай вобласці (базуецца 5 асобная брыгада спецыяльнага прызначэння).

Пра гэта паведамляе ГУР МА Украіны.

У Асіповічах Магілёўскай вобласці (базуецца 51 змешаная артылерыйская група) хавалі адстаўнога афіцэра і былога жаўнера-кантрактніка.

Агулам удзел у вайне супраць Украіны непапулярны сярод беларускіх вайскоўцаў. У вайсковых частках не праводзіцца сур'ёзнай агітацыі ці прапагандысцкіх мерапрыемстваў. Зрэшты, вядома пра выпадкі добраахвотнага падпісання кантрактаў з рознымі расейскімі ПВК. Асноўны матыў для гэтага - грошы, якія абяцаюць за ўдзел у баявых дзеяннях на ўкраінскай тэрыторыі.

Але пасля шэрагу пахаванняў і звестак аб «зніклых без вестак» колькасць ахвочых выпрабаваць лёс паменшылася.