Мінтранс: Санкцыі практычна паламалі ўсю лагістыку ў Расеі

• 22.05.2022, 11:30

Улады краіны-агрэсара прызналіся ў сваім бяссіллі.

Санкцыі ў дачыненні да Расеі «практычна паламалі ўсю лагістыку» ў краіне, паведаміў падчас візіту ў Астраханскую вобласць міністр транспарту Віталь Савельеў, паведамляе "Интерфакс".

«Тыя санкцыі, якія наклалі сёння на РФ, практычна паламалі ўсю лагістыку ў нашай краіне. І мы вымушаны шукаць новыя лагістычныя калідоры», — сказаў ён.

Пасля расейскага вайсковага ўварвання ва Украіне найбуйнейшы ў свеце кантэйнерны аператар Maersk адмовіўся працаваць з Расеяй. З Расеі таксама сышлі лагістычныя кампаніі FedEx і UPS. ЗША, Канада і Еўразвяз закрылі сваё неба для расейскіх самалётаў.