Лукашэнка раптоўна паляцеў у Сочы – але Пуцін прыме яго толькі ў панядзелак

• 21.05.2022, 10:03

Што будзе рабіць дыктатар у найбліжэйшыя два дні?

Лукашэнка ў пятніцу, 20 траўня, раптам паляцеў у Сочы. У ягонай прэс-службе візіт назвалі працоўным.

Аднак сустрэча з прэзідэнтам Расеі запланаваная толькі на панядзелак, 23 траўня, паведамляюць расейскія СМІ. Што будзе Лукашэнка рабіць у Сочы ўсе выходныя, там не ўдакладнілі, піша telegraf.by.

А ў планах Пуціна і Лукашэнкі на панядзелак – абмеркаванне “правядзення поўнафарматнай сустрэчы”, пра што лідары дамовіліся на палях саміту АДКБ 16 траўня ў Маскве.