Блінкен: Украіна будзе існаваць значна даўжэй, чым Пуцін

• 19.05.2022, 19:42

ЗША падтрымліваюць мужных і цягавітых украінцаў.

Злучаныя Штаты Амерыкі падтрымліваюць Украіну ў вайне супраць Расейскай Федэрацыі. Украіна будзе існаваць даўжэй, чым кіраўнік Крамля Уладзімір Пуцін.

Аб гэтым піша РБК-Украина са спасылкай на Twitter-акаўнт дзяржаўнага сакратара Злучаных Штатаў Амерыкі Энтані Блінкена.

"Мы разам з мужнымі і цягавітымі ўкраінцамі, якія штодня абараняюць сваю краіну. Суверэнная незалежная Украіна будзе існаваць значна даўжэй, чым Уладзімір Пуцін", – заявіў Блінкен.