У Расеі пачалі выпускаць размаляваныя дамавіны
- 19.05.2022, 11:15
І лагатып са слоганам для іх зрабіла студыя вядомага расейскага дызайнера Арцемія Лебедзева.
Студыя расейскага дызайнера Арцемія Лебедзева распавяла, што дапамагла распрацаваць лагатып і рэкламныя слоганы для вытворцы размаляваных трун, піша «Фокус»:
«Магілы снегам завеяла,
гучыць журботны Бах.
А нам утульна і цёпла
у дызайнерскіх дамавінах».
Так абвяшчае слоган, прапанаваны студыяй вядомага дызайнера стваральнікам аўтарскіх трун.
У самой кампаніі-вытворцы кажуць, што ім надакучыла «сутыкацца з безгустоўнасцю» нявартай укаханага нябожчыка.
Яны прапануюць труны яркіх расфарбовак і сучасных дызайнаў.