Вайсковы экспэрт: Украіна мае маральнае права нанесці ўдар у адказ па войсках РФ у Беларусі

• 17.05.2022, 14:23

З пункту гледжання вайсковай стратэгіі гэта была б правільная пастанова.

Вайсковы экспэрт Ягор Лебядок у эфіры «Еврорадио» заявіў, што ўкраінцы падчас вайны мелі і маюць поўнае права нанесці ўдар у адказ па расейскіх войсках на тэрыторыі Беларусі, і тлумачыць, чаму яны гэтага не робяць.

- З пункту гледжання вайсковай стратэгіі гэта была б дакладная пастанова. Але ўкраінцы дэманструюць тое, што вядуць асабліва абарончую вайну за незалежнасць сваёй дзяржавы, з захаваннем такой, скажам, культуры, маўляў, вы на нас напалі, мы не будзем гэтага рабіць, проста сыдзіце, і ніхто вас не кране.

Гэта дэманстрацыя палітычнай волі і кірункі дзеянняў насуперак усім абвінавачванням у агрэсіі на адрас Украіны. Яны не нападаюць нават у адказ!

І гэта ідзе насуперак усім заявам Пуціна і Лукашэнкі пра нібыта рыхтаваныя напады.

Хоць, безумоўна, маральнае права нанясення ўдару ў адказ па расейскіх войсках, якія білі па Украіне, ва ўкраінцаў было і застаецца, — падкрэсліў Лебядок.