Швэцыя падпісала заяўку на ўступленне ў NАТО
- 17.05.2022, 11:39
Заяўка краіны будзе пададзеная разам з заяўкай Фінляндыі.
Міністарка замежных спраў Швэцыі Ан Ліндэ падпісала заяўку на ўступленне краіны ў Паўночнаатлантычны альянс.
Аб гэтым піша "Еўрапейская праўда".
"Гэта ўспрымаецца як вялікая, сур'ёзная падзея, як крок, які мы ўважаем за найлепшым для Швэцыі", - пракаментавала міністарка.
Паводле яе слоў, зараз заяўка Швецыі будзе пададзеная разам з заяўкай Фінляндыі. Гістарычнае галасаванне фінскага парламента чакаецца ўвечары 17 траўня.
Напярэдадні ўрад Швэцыі афіцыйна прыняў пастанову аб тым, што краіна пасля амаль 200 гадоў нейтралітэту падасць заяўку на сяброўства ў NАТО, а ў парламенце Фінляндыі да позняга вечара працягваліся дэбаты аб уступленні.
Большасць дэпутатаў выказаліся за такі крок. Прэзідэнт Саўлі Нііністэ, за якім - фінальная пастанова аб падачы заяўкі, хутчэй за ўсё прыме яе дыстанцыйна, знаходзячыся з візітам у Швэцыі на запрашэннн караля Карла XVI Густава.