У першы ж дзень працы «Кнігаўкі» ў Менску прыйшлі прапагандысты і сілавікі.

• 16.05.2022, 20:45

Кнігарню адкрыла выдавецтва «Янушкевіч».

У першы дзень працы «Кнігаўкі», кнігарні, адкрытай у Менску выдавецтвам «Янушкевіч», туды прыйшлі прапагандысты, а пасля і сілавікі з ператрусам.

Прапагандысты Людміла Гладкая з «СБ. Беларусь сегодня» і Рыгор Азаронак з СТВ чапляліся да зместу кніг, задавалі правакацыйныя пытанні, а пасля радасна паведамлялі, што па іх слядах у кнігарню прыйшла міліцыя.

Прыватнае беларускае выдавецтва «Янушкевіч» адкрыла новую кнігарню на вуліцы Змітрака Бядулі, 6. У сакавіку яно засталося без офіса — выдаўцоў папрасілі тэрмінова пакінуць арандаваныя памяшканні.