Чаму ў Беларусі рэкордна падскочылі кошты і чаму яны будуць і надалей расці

• 16.05.2022, 9:39

Прагноз аналітыкаў.

Цэны ў Беларусі прадоўжаць расці, мяркуюць у Еўразійскім банку развіцця. Асноўная прычына - пытанні лагістыкі і высокая інфляцыя на сусветных рынках. Нагадаем, у красавіку гадавая інфляцыя ў Беларусі разагналася да 16,8%.

У ЕАБР мяркуюць, што гадавая інфляцыя разагналася ў Беларусі шмат у чым праз сітуацыю на валютным рынку, калі заўважна выраслі курсы еўра і даляра, на што адрэагавалі падвышэннем коштаў імпарцёры, вытворцы і гандаль.

- Прыстасоўванне коштаў пад змену валютных курсаў і павелічэнне інфляцыйных і дэвальвацыйных чаканняў пераважна адбылося, - мяркуюць у ЕАБР.

З прагнозу аналітыкаў, "інфляцыйны ціск захоўваецца з боку росту выдаткаў з прычыны выбудоўвання новых ланцугоў паставак і высокай інфляцыі на сусветных рынках, гэтыя чыннікі працягнуць уплываць на кошты ў гэтым годзе".