На якім месцы ў свеце Беларусь у хуткасці мабільнага інтэрнэту?

• 14.05.2022, 16:43

Наш сусед у рэйтынгу - Кот-д'Івуар.

У рэйтынгу хуткасці мабільнага інтэрнэту Беларусь прадаўжае губляць пазіцыі і ўжо апынулася паміж Замбіяй і Кот-д'Івуарам.

Зніжэнне ў рэйтынгу Speedtest, які складае Ookla, тлумачыцца як ростам хуткасцей у іншых краінах, так і зніжэннем хуткасці мабільнай перадачы звестак у Беларусі. У сакавіку хуткасць мабільнага інтэрнэту ў Беларусі складала 9,99 Мбіт/с, знізіўшыся за месяц на 6 пазіцый, піша сайт thinktanks.by.

Фіксаваны інтэрнэт, наадварот, прадэманстраваў рост з мінулым месяцам, і Беларусь знаходзіцца на 75-м радку рэйтынгу з паказчыкам 47,41 Мбіт/с. Хаця ў параўнанні з леташнімі паказчыкамі таксама бачныя істотныя запаволенні хуткасці.