Медыкі расказалі, што адбудзецца з арганізмам, калі ўжываць шмат малака

• 14.05.2022, 14:18

Названая дзённая норма гэтага прадукту.

Малако, безумоўна, вельмі карысны прадукт, аднак важна памятаць аб меры, папярэджваюць лекары. Колькі трэба піць малака і якая яго колькасць можа быць шкодная?

Ці можна сабе нашкодзіць ужываннем вялікай колькасці малака?

Пра гэта распавяла лекарка з ЗША Люсія Гарсія, піша Quora.

Медык упэўненая, што малако вельмі пажыўнае і з'яўляецца важнай часткай нашага збалансаванага харчавання.

Доктар Гарсія піша, што ёсць шмат пераваг ужывання малака. Яно можа забяспечыць арганізм такімі пажыўнымі рэчывамі, як бялкі, тлушчы, мінералы, вітаміны і да таго падобнае. Дапаможа стымуляваць рост касцей і падтрымліваць іх шчыльнасць.

Медык мяркуе, што за дзень дастаткова выпіваць 1-2 шклянкі малака.

Малако змяшчае вялікую колькасць D-галактозы, якая можа быць пераўтвораная ў глюкозу падчас звычайнага абмену рэчываў у арганізме.

Аднак лішак D-галактозы можа выклікаць сістэмны акісляльны стрэс, які можа прывесці да хранічнага запалення і шматлікіх хранічных захворванняў, піша лекарка.

Швэдскія спецыялісты 32 гады вывучалі 61 433 жанчыны і 45 339 мужчын рознага ўзросту. Вынікі, апублікаваныя ў брытанскім медыцынскім часопісе BMJ, выявілі «значную пазітыўную сувязь паміж спажываннем малака і астэапарозам, пераломамі і смяротнасцю».

Даследнікі мяркуюць, што ўжыванне вялікай колькасці малака павялічвае рызыку астэапарозу, пераломаў і смерці, а прычынай гэтага з'яўляецца D-галактоза.