Карткі «Альфа-Банка» Mastercard не працуюць у Беларусі

• 13.05.2022, 19:29

Карткі Visa працягваюць працаваць.

Карткі «Альфа-Банка» Mastercard часова не працуюць у Беларусі праз збой, над яго ліквідацыяй ужо працуюць, паведамляе прэс-служба банка.

Карткамі «Альфа-Банка» Mastercard нельга аплаціць пакупкі ў беларускіх крамах, нельга зрабіць перавод з/на карткі іншага банка праз сэрвіс «Альфа-Банка». Пры гэтым даступна зняцце гатоўкі з картак Mastercard у прыладах «Альфа-Банка».

Карткі Visa працягваюць працаваць.

«Наша каманда ўжо працуе над ліквідацыяй збою. Просім прабачэння. Пра выпраўленне паведамім дадаткова», - гаворыцца ў паведамленні банка.

Нагадаем, пасля таго як у пачатку красавіка ЗША ўвялі санкцыі супраць расейскіх банкаў, у беларускай дачцэ аднаго з іх - «Альфа-Банку» - заявілі, што абмежаванні не закранаюць яе дзейнасць. Аднак пасля гэтага кліенты банка сталі сутыкацца з рознымі праблемамі і абмежаваннямі. Напрыклад, часова не працавала iOS-аплікацыя банка і былі прыпыненыя міжнародныя плацяжы і пераказы ў далярах. З 5 траўня пачаліся перабоі ў працы Visa і Mastercard.