У Салігорску паваленымі дрэвамі прыціснула аўто з працоўнымі

• 12.05.2022, 21:01

Адзін мужчына загінуў.

У Салігорску моцны вецер паваліў дрэвы на аўтамабіль з працоўнымі. Як паведамляе прэс-служба МНС, адзін з пацярпелых пазней памёр у бальніцы.

Паведамленне аб падзенні дрэў на працоўных на вуліцы Васкрасенская ў Салігорску паступіла ратавальнікам а 15.30. Як стала вядома, парывамі ветру паваліла чатыры дрэвы на аўтамабіль з працоўнымі.

Двух пацярпелых дасталі з аўто да прыезду ратавальнікаў. Работнікі МНС аказалі дапамогу ў транспартаванні пацярпелых да машыны хуткай дапамогі. Адзін мужчына памёр ва ўстанове аховы здароўя.

Нагадаем, сёння ў Менску дрэвам, якое ўпала, забіла 38-гадовую жанчыну.