Крыптабіржа Binance спыніла пераводы і вывад грошай для расейцаў
- 12.05.2022, 15:50
Сістэма з'яўляецца адной з найбуйнейшых сусветных крыптабіржаў.
Крыптабіржа Binance спыніла пераводы і вывад грошай для расейцаў.
Аб гэтым паведаміў міністр лічбавай трансфармацыі Украіны Міхаіл Фёдараў у сваім Telegram-канале.
«Binance, адна з найбуйнейшых сусветных крыптабіржаў, закрыла для расейцаў пераводы і вывад грошай у замежныя банкі незалежна ад краіны рэзідэнцтва», - адзначыў Фёдараў.
У красавіку крыптабіржа Binance абмежавала доступ карыстальнікам з РФ, агульны кошт крыптаактываў якіх перавышае 10 тысяч еўраў.