Заўтра ў Беларусі зноў падаражэе бензін
- 25.04.2022, 23:15
Кошты стабільна павялічваюць кожны панядзелак.
У Беларусі з 26 красавіка павялічваюцца раздробныя кошты бензіну. Пра гэта паведамляе «Белнафтахім».
Узровень лімітавых максімальных раздробных коштаў аўтамабільнага паліва на АЗС падвысяць на 2 капейкі.
Кошт аўтабензіну АІ-92-К5-Еўра складзе 2,18 руб., АІ-95-К5-Еўра - 2,28 рубля, АІ-98-К5-Еўра - 2,50 рубля, ДП - 2,28 рубля.
Кошты стабільна павялічваюць кожны панядзелак. З пачатку года яны выраслі на 16 капеек.