Сын Джона Ленана парушыў шматгадовую клятву дзеля спынення вайны ва Украіне

• 10.04.2022, 16:13

Спявак выканаў песню свайго легендарнага бацькі.

Джуліян Ленан упершыню выканаў адну з самых вядомых песень свайго бацькі — «Imagine».

Ён парушыў сваё старое абяцанне ніколі не выконваць самую знакавую сольную песню свайго бацькі - заснавальніка гурта The Beatles Джона Ленана, піша New York Post.

«Вайна ва Украіне - гэта неверагодная трагедыя. Як чалавек і як артыст я адчуваў сябе абавязаны адказаць самым значным чынам, якім мог. Таму ўпершыню я публічна выканаў песню майго таты «Imagine», - напісаў Джуліян.

Раней ён кляўся, што «заспявае песню толькі ў тым выпадку, калі гэта будзе канец свету».

«Чаму менавіта цяпер, пасля ўсіх гэтых гадоў? Я заўсёды казаў, што адзіны раз, калі я калі-небудзь думаў бы праспяваць «Imagine», быў бы канец свету. Але яго тэксты (Джона Ленана. – Рэд.) адлюстроўваюць наша калектыўнае жаданне міру ва ўсім свеце. Таму што ў гэтай песні мы пераносімся ў прастору, дзе любоў і адзінства становяцца нашай рэальнасцю, хаця б на імгненне. Песня адлюстроўвае святло ў канцы тунэля, на якое мы ўсе спадзяёмся. У выніку забойнага гвалту, які працягваецца, мільёны нявінных сем'яў былі змушаныя пакінуць выгоду сваіх дамоў, шукаць сховішчы ў іншым месцы», - растлумачыў Джуліян.

Ён заклікаў сусветных лідараў «і ўсіх, хто верыць у пачуццё «Imagine», устаць на абарону ўцекачоў паўсюль».