Сайт Charter97.org зазнаў моцны DDOS-напад

• 31.03.2022, 14:51

Цяпер праца сайта стабілізаваная і адбываецца ў штатным рэжыме.

Раніцай з 9:00 пачаўся масаваны напад на сайт Charter97.org, на працягу гэтага часу серверы атрымлівалі мільёны шкодных запытаў, што ўскладніла чытачам доступ да рэсурсу.

Шкодны трафік маскуецца пад паводзіны стандартнага карыстальніка сайта, што абцяжарвае фільтраванне. Цяпер атака працягваецца, але праца сайта стабілізаваная і адбываецца ў штатным рэжыме.

Тэхнічная служба выбачаецца за збоі ў працы сайта і нагадвае аб тым, што ў выпадку, калі асноўны сайт перастае быць даступным, то чытайце Telegram-канал «Хартыя 97%».