Кіраўнік Менгарвыканкама пагражае разабрацца з «дармаедамі»

• 8.12.2022, 18:36

Нібыта менчукі не хочуць працаваць.

На думку кіраўніка Менгарвыканкама Уладзіміра Кухарава, дзейнасць «дармаедскіх камісій» трэба перагледзець. Чыноўнік заявіў, што «яны павінны працаваць з людзьмі, а не для справаздачнасці».

«У сталіцы больш за 25 000 вакансій, але не ўсе непрацоўныя менчукі спяшаюцца працаўладкавацца», – сказаў Кухараў.

Асаблівую занепакоенасць у чыноўнікаў выклікаюць «доўга непрацоўныя грамадзяне». У Менгарвыканкаме пагражаюць «дайсці да кожнага».

Сайт Charter97.org пісаў, што чыноўнікі з 1 снежня ўвялі чарговую змену для «дармаедаў» – тых, каго яны называюць не занятымі ў эканоміцы. Новаўвядзенне тычыцца спосабаў, як беларусы могуць даведацца, ці ўключылі іх у базу «утрыманцаў».