У Менску будуць завочна судзіць Аляксандру Герасіменю і Аляксандра Апейкіна

• 8.12.2022, 13:05

Пасяджэнне адбудзецца 19 снежня.

19 снежня ў Менску пачнецца завочны суд над стваральнікамі Фонду спартыўнай салідарнасці Аляксандрай Герасіменей і Аляксандрам Апейкіным.

Іх будуць судзіць за «заклікі да санкцый». Справа будзе разглядацца ў Менскім гарадскім судзе. Суддзя - Святлана Бандарэнка.

Менавіта яна прызнала вінаватымі журналістку «Тутбай» Кацярыну Барысевіч і лекара лякарні хуткай дапамогі Арцёма Сарокіна ў «выдаванні медыцынскай таямніцы» аб стане забітага лукашыстамі Рамана Бандарэнкі.