Марыю Калеснікаву прывезлі ў лякарню з перытанітам

• 6.12.2022, 12:53

У палітзняволенай праблемы з прыёмам ежы.

Палітычную зняволеную Марыю Калеснікаву прывезлі ў шпіталь з перытанітам, паведамляе тэлеграм-канал Віктара Бабарыкі.

Перытаніт ў яе ўзнік праз тое, што ў сценцы яе страўніка ўтварылася дзірка (прабадная язва). Праз гэта ежа, трапляючы ў страўнік, пападала ў тым ліку і ў брушную паражніну, выклікаючы там запаленчыя працэсы. Захворванне суправаджаецца рэзкім болем і патрабуе неадкладнай шпіталізацыі, бо пагражае жыццю пацыента.

Цяпер Марыя ўжывае мала ежы, бо харчаванне з калоніі ёй не падыходзіць.

Нагадаем, 29 лістапада стала вядома аб шпіталізацыі Марыі Калеснікавай. На выходных Марыю перавялі з гомельскай лякарні хуткай дапамогі ў калонію - цяпер яна знаходзіцца ў медыцынскім стацыянары.

Раней Марыю Калеснікаву асудзілі на 11 гадоў агульнага рэжыму. Адбываць пакаранне яе накіравалі ў ПК-4 Гомеля.