Макрон: Пуцін павінен быць прыцягнуты да адказнасці

• 5.12.2022, 11:56

Ракетныя ўдары па цывільнай інфраструктуры Украіны з'яўляюцца вайсковым злачынствам.

Прэзідэнт Францыі Эмануэль Макрон у інтэрв'ю CBS News заявіў, што кіраўніка Крамля Пуціна неабходна прыцягнуць да адказнасці за вайсковыя злачынствы, учыненыя ва Украіне.

Кіраўнік Францыі назваў расейскія ракетныя ўдары па цывільнай інфраструктуры ваенным злачынствам

«Мы павінны сабраць усе доказы ваенных злачынстваў. І гэта тое, што мы робім, адпраўляючы ва Украіну паліцыянтаў і экспэртаў... Мы павінны запусціць усе юрыдычныя ініцыятывы. Таму мой адказ - так», - заявіў Макрон.

Раней сайт Charter97.org пісаў, што ў адміністрацыі прэзідэнта ЗША Джо Байдэна пачынаюць падтрымліваць ідэю спецыяльнага трыбунала для РФ.