Мігранты ўсё яшчэ спрабуюць патрапіць у ЕЗ праз Беларусь

• 4.12.2022, 19:09

У Польшчы затрымалі чарговых «праваднікоў».

Мігранты па-ранейшаму спрабуюць патрапіць у ЕЗ з Беларусі. Напрыклад, у Польшчу за апошні дзень спрабавалі прайсці 35 чалавек, паведамляе памежная служба гэтай краіны.

За мінулы дзень у Польшчу з Беларусі спрабавалі патрапіць 35 мігрантаў. Сярод іх былі грамадзяне Таджыкістана і Егіпта. Польскія памежнікі паведамляюць, што былі затрыманыя двое грамадзян Украіны, якія перавозілі мігрантаў.

У Літву з Беларусі за апошні дзень спрабавалі трапіць 9 мігрантаў, а ў Латвію — 41. Пра гэта паведамляе delfi.lt са спасылкай на Дзяржаўную памежную службу Літвы.