Колькі беларусам абыдзецца накрыць стол на Новы год?
- 3.12.2022, 15:40
Вывучылі кошты, каб параўнаць іх з 31 снежня.
Magilev.by вывучыў паліцы магілёўскага супермаркета з мэтай зафіксаваць кошты асноўнага набору прадуктаў, без якіх не абыходзіцца ніводзін навагодні стол, прынамсі. 30 снежня журналісты параўнаюць, наколькі вырас кошт гэтых жа пазіцый.
Такім чынам, колькі ж каштуе накрыць навагодні стол 1 снежня 2022 года? На ім будзе толькі тое, без чаго немагчыма сабе ўявіць свята. А менавіта: салата «Аліўе», чырвоная ікра, мандарыны, шампанскае, адна мясная страва, каўбасная і агароднінная нарэзкі, бульбяное пюрэ, садавіна, сок, мінеральная вада і што-небудзь да гарбаты. Сустракаць Новы год за ўмоўным сталом будзе сям'я з чатырох чалавек, двое з якіх - дзеці. Куплю прадуктаў рабілі ў супермаркеце «Грын» Магілёва, размешчанага па вуліцы Астроўскага.
Да гарбаты «Теss» за 5,37 руб. бяром скрынку зефіру ў шакаладзе бабруйскай вытворчасці па кошце 10,88 руб.
Мандарыны - не менш за 1 кг. Кошт турэцкіх 1 снежня складаў 4,99 рублёў. Яшчэ хаця б 2 хурмы для разнастайнасці - 2,35 руб., пры кошце 4,85 руб. за 1 кг, і галінку вінаграду - 3,93 руб. пры кошце 7,45 руб. за 1 кг. Яшчэ яблыкаў 1 кг - коштам 2,50 руб. Гэта асноўны набор талеркі для садавіны - ім і абмяжуемся.
Пры гэтым варта адзначыць, што 1 снежня ў супермаркеце «Грын» таксама ў продажы былі свежыя дыні - 11, 99 за 1 кг., свежыя ананасы - 5,99 за 1 кг., кавун - 7,99 за 1 кг., трускаўка - 99,95 за 1 кг.
Асноўнай мясной стравай стала будзе свініна запечаная пад грыбным футрам. 1 снежня 1 кг свініны для адбіўных каштаваў 15,95 руб. Сыр «Губернскі з водарам топленага малака» (384 гр.) - 6,14 пры кошце 1 кг 15.99 руб. Патрэбны яшчэ дзве буйныя цыбуліны, а гэта 1,15 руб. пры 1,82 руб. за 1 кг. Грыбы шампіньёны 500 гр. - 4 руб. пры кошце 7,99 руб. за 1 кг. Маянэз «Сталічны» 1 пакаванне вагой 400 гр па кошце 3,79 руб.
Для мясной нарэзкі дастаткова 300 гр. бужаніны вэнджана-варанай па кошце 16,40 за 1 кг, а гэта 5,70 руб. і 500 гр. каўбасы «Арыгінальнай» па кошце 28,07 руб. за 1 кг, а гэта 14 рублёў. Дадамо да мясных вырабаў крыху сыра, напрыклад, цвёрдага «Ле Шале»: упакоўка 200 гр. 6,03 руб. (кошт 1 кг - 30,15 руб.). Упрыгожым страву маслінамі без костачак «Ларада» (Гішпанія) 314 гр. па кошце 2,82 руб.
Для агародніннай нарэзкі 2 перцы чырвоных свежых за 2,65 руб., пры кошце за 1 кг 11,81 руб. Агурок свежы - 2,19 руб. пры кошце 7,76 руб. за 1 кг. Таматы - 0,5 кг 2,80 руб. пры кошце 5,59 за 1 кг. Пучок зеляніны (пятрушка, 70 гр.) - 1,78 руб.
Для салаты «Аліўе»: слоічак зялёнага гарошку «Хайні» (Польшча) 400 гр па кошце 3,97 руб. Курыная грудка - 800 гр. за 7,00 руб. пры кошце 8,49 за 1 кг. Адна морква вялікая - 45 кап. пры кошце 1 кг - 1,41 руб. агурок свежы - 2,19 руб. пры кошце 7,76 руб. за 1 кг. Маянэз «Сталічны» 1 пакаванне вагой 400 гр па кошце 3,79 руб. Дзясятак яек каштаваў 2,97 руб., спатрэбіцца для салаты 5 штук, а гэта 1,50 руб.
Слоічак ікры ласосевай - 140 гр. каштуе 24,59 руб. (кошт 1 кг ікры - 175,64 руб.). Пададзім яе да стала ў вафельных кошычках, кошт якіх 2,22 руб.
Можна, вядома ж, папесціць сябе ў такую ноч і чорнай ікрой - у продажы яна таксама ёсць: 139,99 руб. за 50 гр. (кошт 1 кг - 2799,80 рублёў). Але гэта ў тым выпадку, калі жаданне супадае з даходамі.
Бульба для пюрэ (многія беларусы не ўяўляюць сабе нават такую познюю вячэру без гэтага любімага гарніру) – 2 кг па цане 1,82 руб. за 1 кг.
Шампанскае Савецкае вытрыманае Радзівіл брут – 18,29 руб. за 1 бутэльку. Ёсць у продажы і варыянт прасцейшы: Савецкае шампанскае паўсухое - 7,69 руб. за 1 бутэльку, але гаворка ж ідзе пра Новы год, можна нешта і больш саліднае.
Бутэлька мінеральнай вады «Баржомі» (0,75 л) за 3,99 руб. Пакет літровы соку яблычнага без цукру «Добры» – 3,04 руб. У раёне 1 рубля каштуе 0,5 булкі хлеба.
Разам: 171,71 руб. Паглядзім 30 снежня, ці зможам на гэтую суму купіць такі ж набор прадуктаў для святочнага стала.