Лукашысты кінулі ў карцар актывістку «Еўрапейскай Беларусі» Алену Лазарчык

• 3.12.2022, 11:05

Палітзняволеная будзе там знаходзіцца да 4 снежня.

Палітзняволеная актывістка грамадзянскай кампаніі "Еўрапейская Беларусь" Алена Лазарчык знаходзіцца ў карцары.

Праваабаронцам "Вясны" стала вядома, што яна прабудзе там да 4 снежня. Дакладна невядома, калі Алену змясцілі ў адзіночную камеру і колькі яна там правяла.

Паведамляецца, што Вярхоўны суд пакінуў прысуд Лазарчык у сіле – пракурор падаў на яго скаргу, не выключана, што прысуд можа быць больш жорсткім.

Актывістку "Еўрапейскай Беларусі" асудзілі да 8 гадоў пазбаўлення волі паводле чатырох артыкулаў Крымінальнага кодэкса.