У Беларусі даражэе мабільная сувязь
- 2.12.2022, 19:15
Адразу некалькі мабільных аператараў заявілі пра павышэнне кошту паслуг.
Мабільны аператар life:) з 28 лістапада павысіў тарыфы на некаторыя паслугі.
Напрыклад, з 28 лістапада паднялі абаненцкую плату на 1 рубель на тарыфах «Бясконцы», «Бясконцы+» і «Бясконцы Pro». Аператар удакладняе, што змяненне коштаў не закране акцыйны кошт. На 60 капеек вырас кошт тарыфу «Старт», на 1,3 рубля – «Разумныя рэчы» падаражэюць на 1,3 рубля, а «СтоА» – на 2 рублі.
«Зрабілі адзіны кошт дадатковага пакету інтэрнэту "Безліміт" на сацсеткі і мэсэнджары – цяпер карыстальнікі ўсіх тарыфаў могуць падключыць яго за 4,5 рубля на месяц (+1 рубель)», – удакладняе аператар.
Таксама вырас кошт міжнародных званкоў і ўваходных званкоў у роўмінгу.
Адзначым, што з 12 снежня тарыфы на некаторыя паслугі павысіць мабільны аператар А1.