Не натаўцы, дык самураі

• TELEGRAM-КАНАЛ «СЕРПОМПО»
• 2.12.2022, 15:18

Як японцы прымусілі пуціністаў знервавацца.

Учора Нямеччына вылецела з чэмпіянату свету ў футболе. Не выйшла з групы. Другі чэмпіянат запар нямецкую машыну спасцігае няўдача.

Але матч з Коста-Рыкай быў шыкоўным. Саступаючы за 20 хвілін да канца 1-2, немцы, нібы ў «Аляксандры Неўскім» сталі «свіннёй» і раздушылі Коста-Рыку, як яйка, забілі тры мячы. Ведаючы, што ўжо не выйдуць у плэй-оф, лезлі на браму да апошняй секунды. Хацелі забіць пяты. Вось упарты і зладжаны народ!

Патрыятычная грамадскасць магла б парадавацца - «натаўская» Нямеччына не прайшла ў фінальную частку чэмпіянату. Але з гэтай групы на першым месцы выйшла Японія. Да «самураяў» Zапуцінская публіка сімпатый таксама не адчувае. Мы ж радуемся і за немцаў, і за японцаў.

Telegram-канал «СерпомПо»