Ноч «феерверкаў»: УСУ падарвалі штаб ФСБ на Запарожжы

• 10.12.2022, 13:45

Знішчана таксама вялікая колькасць БМП і артылерыі акупантаў.

Украінскія вайскоўцы зладзілі «выбухную» ноч для расейскіх захопнікаў на часова акупаванай частцы Запарожскай вобласці. У Энэргадары было знішчана да 8 БМП і варожая артылерыя.

«Бавоўна» таксама наведала Малачанск, Токмак і Бярдзянск, вядома аб знішчэнні штаба расейскай ФСБ і склада боепрыпасаў. Інфармацыя аб наступствах начных удараў па ворагу з'явілася ў Telegram-канале кіраўніка Нікапольскай раённай вайскова-цывільнай адміністрацыі Яўгена Еўтушэнкі.

Паводле звестак Нікапольскай РВА, уначы УСУ нанеслі эфектыўныя ўдары па акупантах у некалькіх часова захопленых населеных пунктах Запарожскай вобласці.

«Уначы на тэрыторыі Энэргадара было весела, але не РФ. Патрапленне ў згрувашчванне тэхнікі, знішчана да 8 адзінак БМП. Што здарылася з артай, паняцця не маю. Таксама было весела ў Малачанску, Токмаку, Бярдзянску. Штаб эфэсбэ і склад БК адпачываюць, больш не патрывожаць», - кажа паведамленне.

Нагадаем, менавіта з Энергадара расейскія акупанты, якія размясціліся на тэрыторыі ЗАЭС і прыкрываюцца ядзерным аб'ектам, як шчытом, рэгулярна абстрэльваюць Нікапаль Днепрапятроўскай вобласці, размешчаны на супрацьлеглым беразе Дняпра.

Так, у ноч на 10 снежня акупанты абстралялі Нікапаль і Марганец з цяжкай артылерыі. З прычыны чарговага абстрэлу ёсць пацярпелыя сярод мірных жыхароў.