«Вырылі сабе магілы і іх расстралялі»: апавяданне палоннага «вагнераўца» па мянушцы «Гойда»

• 10.12.2022, 12:20

Акупанта з турмы завербаваў асабіста Яўген Прыгожын.

Расейскі тэрарыст Вячаслаў Ізмайлаў з пазыўным «Гойда», які прыйшоў ваяваць супраць Украіны ў шэрагах прыватнай вайсковай кампаніі «Вагнер», заявіў, што яго з турмы завербаваў Яўген Прыгожын. Пры гэтым акупант прызнаўся, што ў так званым «кантракце» грошай яму не абяцалі, замест гэтага далі магчымасць «крывёй загладзіць віну перад радзімай».

Таксама захопнік паскардзіўся, што Прыгожын яго падмануў і замест другой лініі абароны пасля «лёгкага курса навучання» кінуў адразу ў бой. Інтэрв'ю з акупантам апублікаванае на YouTube-канале Donbas Frontliner.

Акупант расказаў, што ў першы ж дзень знаходжання ва Украіне яго адправілі на штурм. Пры гэтым ён адзначыў, што ў жывых сярод наймітаў ПВК «Вагнер» застаецца мала.

Тэрарыст дадаў, што камандаванне кінула яго падраздзяленне пад Лісічанск, аднак, дзе менавіта ён быў - не ведае. Тых жа захопнікаў хто адмаўляўся ісці ў бой, расстрэльвалі.

«Да мяне ішоў гурт, там два чалавекі было, якія проста спалохаліся, працавала артылерыя. І вось гэтых дваіх потым… яны капалі сабе магілу, іх проста расстралялі і закапалі», – заявіў акупант.