Меркаваны пляменнік кіраўніка МУС Беларусі стаў віцэ-прэм'ерам Украіны

• 1.12.2022, 19:15

Ён узначаліць установу, якая будзе займацца развіццём супольнасцяў, тэрыторый і інфраструктуры Украіны.

Урад Украіны пастанавіў аб'яднаць два міністэрствы: інфраструктуры і рэгіянальнага развіцця. Узначаліць новую ўстанову, якая будзе займацца развіццём супольнасцяў, тэрыторый і інфраструктуры Украіны новы віцэ-прэм'ер – Аляксандр Кубракоў. Паводле звестак украінскіх і беларускіх СМІ, новы віцэ-прэм'ер – пляменнік кіраўніка МУС Беларусі Івана Кубракова.

1 снежня ў Вярхоўную Раду ўнеслі прадстаўленне на прызначэнне Аляксандра Кубракова на пасаду віцэ-прэм'ер-міністра ў аднаўленні Украіны – міністра развіцця супольнасцяў, тэрыторый і інфраструктуры. За гэтае прызначэнне прагаласавалі 263 нардэпы.

Украінскія і беларускія СМІ не раз паведамлялі, што Аляксандр Кубракоў з'яўляецца сваяком кіраўніка МУС Беларусі Івана Кубракова.

У сям'і Івана Кубракова, які нарадзіўся ў вёсцы Малінаўка Касцюковіцкага раёна Магілёўскай вобласці, было пяцёра дзяцей. Старэйшы Мікалай нарадзіўся ў 1960 годзе, у 1961 – Міхаіл, у 1964 – Віктар, у 1969 – Сяргей, а ў 1975 – Іван. Мікалая і называюць бацькам новага віцэ-прэм'ера Украіны. Адзначаецца, што ён першым з братоў пайшоў працаваць у міліцыю.