Вядомая іранская журналістка Масіх Алінеджад падтрымала Паліну Шарэнду-Панасюк
- 8.11.2022, 18:25
Яна напісала беларускай палітзняволенай ліст.
Вядомая іранская журналістка, пісьменніца і абаронца правоў жанчынаў, крытык рэжыму аяталаў Масіх Алінеджад падтрымала актывістку грамадзянскай кампаніі «Еўрапейская Беларусь» Паліну Шарэнду-Панасюк.
Масіх Алінеджад далучылася да кампаніі #FreePalina, даслаўшы беларускай палітзняволенай ліст з тэкстам «Ты наша гераіня назаўжды. Дзякуй цябе!»
Нагадаем, палітзняволеная, актывістка грамадзянскай кампаніі «Еўрапейская Беларусь», якую рэжым Лукашэнкі асудзіў на два гады, знаходзіцца ў калоніі ў Зарэччы, вядомай сваімі нечалавечымі ўмовамі ўтрымання.
Цяпер Паліна пасля 40 сутак карцара пераведзеная ў ПКТ (памяшканне камернага тыпу), дзе правядзе шэсць месяцаў.