Байцы УСУ разграмілі расейскіх «мобікаў» пад Мелітопалем

• 30.11.2022, 9:14

Выбухі былі чуваць за 30 км ад месца нанясення ўдару.

У пасёлку Мірнае Мелітопальскага раёна УСУ нанеслі ўдар па пазіцыях расейцаў.

Пра гэта паведамляе РБК-Украіна, спасылаючыся на публікацыю гарадскога кіраўніка Мелітопаля Івана Фёдарава.

«Сёння ўночы не спалася акупантам пасёлка Мірнае Мелітопальскага раёна. Пасля гадзіны ночы раздалося некалькі гучных выбухаў у мясцовым клубе, дзе рассяліліся новапрыбылыя мабілізаваныя РФ», - сказаў ён.

Фёдараў адзначыў, што выбухі былі чутныя ажно ў Мелітопалі, што за 30 км ад Мірнага. Інфармацыя аб варожых стратах удакладняецца.