Расея перакінула ў Беларусь эшалон з 15 ЗРК «Тор-М2»
- 29.11.2022, 11:56
Пунктам прызначэння саставу з'яўляецца чыгуначная станцыя Лясная Берасцейскай вобласці.
Расейская Федэрацыя перакінула ў Рэспубліку Беларусь буйны эшалон з вайсковай тэхнікай: не менш як 15 адзінак ЗРК «Тор-М2» і 10 адзінак інжынернай тэхнікі.
Пра гэта паведамляе Цензор.НЕТ са спасылкай на беларускія маніторынгавыя групы.
Эшалон адправіўся з чыгуначнай станцыі Ейск Краснадарскага краю РФ 25 лістапада. Ужо ў панядзелак, 28 лістапада, а 10.00 ён быў заўважаны на станцыі Ворша-Цэнтральная Віцебскай вобласці Беларусі.
Пунктам назначэння гэтага эшалона з'яўляецца чыгуначная станцыя Лясная Берасцейскай вобласці. Паводле інфармацыі шэрагу крыніц, гэта не апошні вайсковы эшалон з ЗРК «Тор-М2», якія акупанты перакідваюць у Беларусь.