Названыя найлепшыя ў 2022 годзе аўтамабілі Еўропы

• 28.11.2022, 21:58

Большасць – электракары.

Аўтамабільныя гуру назвалі фіналістаў конкурсу European Car of the Year. Сёлета за годнасць найлепшага змагаюцца шмат электрамабіляў.

Пра гэта ідзе размова на афіцыйным партале прэміі.

З 27 мадэляў-прэтэндэнтаў на годнасць найлепшага аўтамабіля года ў Еўропе ў фінал прайшлі восем мадэляў. Характэрна, што ўсе самаходы - красовэры.

У спісе адразу шэсць электрамабіляў, а таксама гібрыды-красовэры Kia Niro, Peugeot 408 і Renault Austral.

Чакаецца, што найлепшы аўтамабіль года стане вядомы 13 студзеня 2023 года падчас аўташоў у Брусэлі.

Спіс выглядае так:

Jeep Avenger;

Kia Niro;

Нісан Арыя;

Peugeot 408;

Renault Austral;

Subaru Solterra;

Toyota bZ4X;

Volkswagen ID. Buzz.

Конкурс "European Car of the Year" праводзіцца з 1964 года. Найлепшую мадэль выбірае журы з 60 аўтамабільных журналістаў з 23 еўрапейскіх краін.

Летась з журы былі выключаныя прадстаўнікі РФ, а пераможцам стаў электрамабіль Kia EV6.